Надыход вясны
Хоць зіма яшчэ злуецца,
Снег ідзе, мароз трашчыць,
Ды ўжо сонейка смяецца
І з вясной да нас імчыць.
Вельмі скора наваколле
Ажыве ад зімніх сноў.
Панясецца па прасторы
Булькатанне ручайкоў.
На праталінках у лесе
Кветкі-краскі зацвітуць.
Птушкі весела над імі
Свае песні запяюць.
Дзеці з хат павыбягаюць,
Каб гуляць там дапазна.
І шчасліва загукаюць:
- Вось яна! Вясна прыйшла!
Дзяржаўная ўстанова адукацыі
“Засульская сярэдняя школа”
Чабай Вікторыя, 6 клас
03.03.2021г.
Крыгаход
Прыгрэла сонейка ярчэй –
Стала на двары цяплей.
Вось на рэчцы трэснуў лёд,
І пачаўся крыгаход.
З гулам рушацца ільдзіны –
Трэснуў белы пласт адзіны.
І вада бурліць, гудзе,
На рэчцы крыгаход ідзе.
Скінула рака аковы,
Бы нейкі майстра адмысловы.
Адпраўляе льды ў паход,
Хутка ўжо вясны прыход.
Дзяржаўная ўстанова адукацыі
“Засульская сярэдняя школа”
Ляшкевіч Лізавета, 7 клас
03.03.2021г.
