Адукацыйны праект "Мы беларусы"

АДУКАЦЫЙНЫ ПРАЕКТ “МЫ БЕЛАРУСЫ”

Мэта: стварыць умовы для фарміравання ў вучняў уяўлення аб беларускай нацыі, яе ўнікальнасці.

Задачы: раскрыць адметныя якасці беларусаў, нашых продкаў; выхоўваць павагу да роднай мовы, беларускіх традыцый, гістарычнага мінулага, культурнай спадчыны; садзейнічаць згуртаванню.

Эпіграф-дэвіз да праекта:

Духоўны скарб не грошы і не мода.

Ён, быццам сонца, ззяе для людзей.

Выхоўваць на традыцыях народа

Павінны змалку мы сваіх дзяцей.

М. Грудзінскі

Тэрмін рэалізацыі:  2021 год.

Кіраўнік праекта: Кухарчык Валянціна Іванаўна, дырэктар школы.

Каардынатар праекта: Чабай Ларыса Уладзіміраўна, намеснік дырэктара па вучэбна-выхаваўчай рабоце.   

Удзельнікі: настаўнікі-прадметнікі  і вучні 1-9 класаў

Асноўная ідэя: калі стварыць выхаваўчую прастору, у якой праз адукацыйную, творчую, краязнаўчую дзейнасць будуць раскрыты адметныя рысы беларусаў, іх унікальнасць і значнасць, будзе фарміравацца і развівацца асоба вучня, якая гатова да ўмацавання культурнай і гістарычнай ідэнтычнасці беларускага народа; забеспячэння захавання, развіцця, распаўсюджвання і папулярызацыі беларускай нацыянальнай гісторыі, культуры і мовы.

Каляндарны план рэалізацыі праекта

“Мы -  беларусы”

         Праект “Мы -  беларусы” уключае 10 міні-праектаў, кожны з якіх прадугледжвае падрыхтоўчы этап (планаванне, збор інфармацыі, размеркаванне абавязкаў), этап рэалізацыі (падрыхтоўка і правядзенне адкрытага мерапрыемства з выкарыстаннем прэзентацый, майстар-класаў), заключны этап (публікацыя вынікаў на старонках школьнай газеты, афармленне стэнда).