Тыдзень прафарыентацыі

Дата: 20 марта 2021 в 20:50, Обновлено 21 марта 2021 в 22:45

Автор: Демидович-Бакленева А. Э.

149 просмотров

На працягу Тыдня прафарыентацыі, які прайшоў у Засульскай сярэдняй школе з 15 па 20 сакавіка 2021 года, ў навучэнцаў была магчымасць пазнаёміцца з рознымі прафесіямі, паразважаць аб прафесіях сваёй мары, адлюстраваць свае жаданні ў малюнках падчас правядзення класных мерапрыемстваў. Шмат карыснай інфармацыі вучні атрымалі, прыняўшы ўдзел у відэаканферэнцыі з удзелам ДУА “Універсітэт грамадзянскай абароны МНС РБ”. Класныя кіраўнікі накіравалі ўвагу старшакласнікаў на інтэрнэт-сайты kudapostupat.by, adukar.by, дзе можна знайсці інфармацыю пра розныя навучальныя ўстановы, спецыяльнасці, прахадныя балы, умовы паступлення. Пазнавальнай стала экскурсія навучэнцаў 8-9 класаў у машына-трактарны парк ААТ “Каганец”. Сустрэча з галоўным спецыялістам аддзела занятасці і працоўных адносін упраўлення па працы, занятасці і сацыяльнай абароне Стаўбцоўскага райвыканкама Саўчук С.Я. дала магчымасць навучэнцам пазнаёміцца з прафесіямі, якія запатрабаваныя ў рэгіёне, магчымасцямі перакваліфікацыі, а таксама з умовамі арганізацыі другаснай занятасці. На агульнашкольным бацькоўскім сходзе законныя прадстаўнікі навучэнцаў азнаёмлены з нарматыўнымі прававымі дакументамі па правядзенні выніковай атэстацыі, абмеркавана пытанне аб далейшым прафесійным самавызначэнні навучэнцаў 9 класа. У прафарыентацыі старшакласнікаў дапамогу аказваюць спецыялісты СППС, актуальнымі і карыснымі сталі кансультацыя педагога-псіхолага “Тэмперамент і прафесія” і кансультацыя педагога сацыяльнага “Прафесіі 21 стагоддзя”.

Увогуле, прафарыентацыйнай рабоце ў школе адводзіцца значнае месца. Сістэматычна, кожную чацвёртую суботу месяца ў шосты школьны дзень праводзіцца цыкл прафарыентацыйных заняткаў “Парад прафесій”, на якія запрашаюцца прадстаўнікі розных прафесій.