Верасень паклікаў у школу

Дата: 2 сентября 2020 в 00:27, Обновлено 4 сентября 2020 в 20:45

Автор: Демидович-Бакленева А. Э.

237 просмотров

"Кліча верасень у школу" - пад такой назвай прайшла першавераснёўская лінейка ў Дзяржаўнай установе адукацыі "Засульская сярэдняя школа", прысвечаная Дню ведаў і пачатку навучальнага года. Акрамя вучняў, бацькоў, прадстаўнікоў соцыума на ўрачыстасць завіталі ганаровыя госці: Валянцін Баляслававіч Татарыцкі - старшыня Дзяржаўнага камітэта па стандартызацыі Рэспублікі Беларусь, Аляксандр Уладзіміравіч Кручанаў - намеснік старшыні аблвыканкама, Аляксандр Мікалаевіч Цывака - намеснік старшыні Стаўбцоўскага раённага выканаўчага камітэта, Людміла Анатольеўна Мішчук - намеснік начальніка ўпраўлення прававой, кадравай і арганізацыйнай работы Дзяржстандарта, Павел Зянонавіч Карніцкі - старшыня Рубяжэвіцкага сельвыканкама.

Кожны з гасцей у сваім прывітанні школьнікам падкрэсліў неабходнасць старанна вучыцца, развіваць свае здольнасці, быць настойлівымі ў дасягненні сваіх мэтаў. пры гэтым кожны павіненн берагчы свае карані, шанаваць сваю малую радзіму.

Падчас урачыстасці вучні атрымалі граматы і прызы за ўдзел у шматлікіх конкурсах. Шчырыя словы падзякі прагучалі ў адрас бацькоў, якія актыўна дапамагалі ў рамонце вучэбных класаў да новага навучальнага года.

Арганізацыямі Дзяржстандарта была аказана шэфская дапамога ў набыцці швейных машын да ўрокаў абслуговай працы і інструментаў для майстэрні. Першакласнікі атрымалі наборы для творчасці і салодкія падарункі.

Госці свята таксама наведалі першавераснёўскі ўрок "Я вырас тут, і край мне гэты дарагі".

ФОТАРЭПАРТАЖ глядзіце, калі ласка, па спасылцы: https://zasulie.schools.by/photoalbum/664836

Все новости

Комментарии:

Оставлять комментарии могут только авторизованные посетители.

Телефоны: 80171736345, 80171736317

Email: zasulye@stolbtsy-edu.gov.by

Школьный онлайн сервис